Kyle Siliee i Eline Kanters ta e ganadónan di e kompetishon di potrèt di Rijksmuseum
Publication date: 21 September 2022 - 18:00
Na Rijksmuseum a proklamá Kyle Siliee i Eline Kanters komo ganadónan di Document Nederland Junior (Dokumento Hulanda Djuniòr), e kompetishon di potrèt anual pa alumno di enseñansa sekundario i studiante di mbo. Nuebe nominado a presentá e tema Un di dos bida, kon abo ta resiklá? ku imágen. E aña aki, pa promé bia alumno i studiante di Karibe tambe a partisipá.
Kyle Siliee (Abel Tasman College, Kòrsou) a gana den e kategoria enseñansa sekundario, ku su seri tokante un hòfi di berdura di skol, ku huntu ku su klas el a traha i kultivá. Eline Kanters (Koning Willem I College, Den Bosch) a gana den e kategoria mbo, ku potrèt di e proseso di dunamentu di sanger. Tur dos ganadó por pasa un dia komo asistente di saka potrèt serka Sharelly Emanuelson. Banda di esaki, e ganadó di enseñansa sekundario ta haña un enkargo di potrèt di scholieren.com i e ganadó di mbo ta gana un stazje na Rijksmuseum
E kontribushonnan di e aña aki tabata kapas pa skapa di e imágen standart di plèstik i sushi! Nos a mira un diversidat di perspektiva íntimo i personal. E kontribushonnan for di kua nos por a skohe a mustra hopi talento i abilidat di distinshon, pa tantu mira un imágen fuerte komo pa komuniká un konsepto òf relato ku ta intrigá.
E hurado tokante e kontribushonnan
Por mira Document Nederland i Document Nederland Junior for di 23 di sèptèmber 2022 te ku 15 di yanüari 2023 den e galeria di potrèt di Rijksmuseum.
Obra di arte konhunto
E nominadonan di Document Nederland Junior, durante un masterclass a traha un obra di arte huntu ku tambe por mira na e eksposishon. Esakinan ta naturalesa morto trahá di sushi ku nan a piska for di e kanalnan di Amsterdam huntu ku Plastic Whale Foundation. Asina e sushi a haña un di dos bida.
Di 14 edishon di e kompetishon di potrèt Document Nederland Junior
Rijksmuseum pa di dieskuater bia ta organisá Document Nederland Junior (Dokumento Hulanda Djuniòr), e edishon pa hóben di Document Nederland. A invitá e nuebe nominadonan pa partisipá den dos masterclass bou di guia di e fotógrafo Sharelly Emanuelson i eksperto di Rijksmuseum. Huntu nan a duna forma na e ekshibishon.
Por mira e potrètnan di tur nuebe nominado pareu ku e ekshibishon Document Nederland 2022: Duurzaam / Sustain / Tene di e fotógrafo Sharelly Emanuelson.
The de Vink Foundation/Rijksmuseum Fonds a kontribuí pa hasi Document Nederland Junior posibel.
Downloads
Deelnemers Document Nederland junior 2022 met de winnaars Kyle (links vooraan) en Eline (rechtsvooraan)