Document Nederland 2022

Por mira Document Nederland 2022 for di 23 di sèptèmber 2022 te ku 15 di yanüari 2023 den e Fotogalerij (Galeria di potrèt) di Rijksmuseum.

Duurzaam/Sustain/Tene

E obranan di e eksposishon ta agrupá rònt di diferente tema den kua semper e aktuashon di hende ta para sentral. E potrètnan ta mustra kon hende ta anda diferentemente ku asuntu manera maneho di awa, eroshon i e prosesamentu di sushi. E konsekuensianan aki ta grandi òf chikí, temporario òf permanente. Emanuelson a saka potrèt na Hulanda i e seis islanan karibense: Aruba, Boneiru, Kòrsou, Saba, Sint Eustatius i Sint Maarten.

Sharelly Emanuelson

Artista plástiko Sharelly Emanuelson ta biba na Kòrsou i ta traha parsialmente na Hulanda. Den su obranan e ta trese tópiko sosial huntu. Trahando sine, vidio, instalashon di zonidu i fotografia, Emanuelson ta materialisá su opservashonnan i investigashon di práktika di kada dia i relashonnan entre arte, kultura, herensia kultural i restunan di kolonialismo. El a gana e premio Charlotte Köhler (2020), e Volkskrant Beeldende Kunst Publieksprijs (Premio di Públiko di Arte Plástiko di De Volkskrant) (2020), i e Black Achievement Spotlight Award (2018).

Document Nederland

For di 1975, Rijksmuseum ta pidi un fotógrafo hulandes pa investigá i registrá un tópiko sosial aktual. For di 1997, esei ta sosodé bou di e nòmber Document Nederland (Dokumento Hulanda). Huntu e potrètnan aki ta forma un historia di imágen impreshonante di Hulanda di fin di siglo 20 te aworakí.

Document Nederland Junior

Pareu ku Document Nederland por mira Document Nederland Junior den e Galeria di Potrèt. Document Nederland Junior ta un kompetishon di potrèt pa alumno di enseñansa sekundario i studiante di mbo. E aña aki, pa promé bia tantu na Hulanda komo na e islanan hulandes karibense. E tema ta: Un di dos bida: Kon abo ta resiklá? Dies hóben nominá ta haña un masterclass di Sharelly Emanuelson i eksperto di e museo. For di e tòp dies, despues di e masterclassnan lo skohe dos ganadó (mbo/vo). Por mira tur nominado na e eksposishon na Rijksmuseum.

The Vink Foundation/ Rijksmuseum Fonds ta hasi Document Nederland Junior posibel

Sosten impresindibel

Rijksmuseum ta gradesido pa tur forma di sosten ku e ta risibí. Supsidio di gobièrnu, kontribushon di komèrsio i fondo, donashon, herensha i Amigu ta esensial pa Rijksmuseum.