Un museo históriko yen yen di posibilidat nobo. Tuma un time-out ku e obranan maestral hulandes pa un bista refreskante riba e dia di awé.

SENTRO DI AMSTERDAM

Bo ta haña Rijksmuseum na Museumplein den sentro di Amsterdam. Serka di e siudat su kanalnan históriko i pakusnan, i den djis 20 minüt kana for di Kas di Anne Frank. Meskla e bida di e siudat ku tempu pa relahá na Rijks.

KARANAN KONOSÍ

Loke ta hasi Rijksmuseum un di e museonan di mas famoso na mundu ta e fama di e obranan maestral di su kolekshon. Manera e Melkmeisje (Mucha Muhé Ku Ta Basha Lechi) di Vermeer, e Outopotrèt di Van Gogh, The Merry Family (E Famia Kontentu) di Jan Steen i Rembrandt su Nachtwacht (Ronda Djanochi). Pero tin asina tantu otro piesa den e kolekshon ku por sorpresá bo i kapturá bo imaginashon. Manera Breitner su Girl in a White Kimono (Mucha Muhé na Kimono Blanku) i e Asian Pavilion (Paviyon di Asia). Ni maske ki edat bo tin, òf di unda bo ta bini, lo bo deskubrí algu nobo na Rijksmuseum.

MIRA I HASI

Tin algu pa tur hende na Rijksmuseum. Di bishita ku guia te ku wega pa famia, workshop i programanan di teatro. Si ta bo promé bishita, pa kiko no purba e rekorido di ‘E mihó di Rijksmuseum’? Durante vakansi di skol, nos ta organisá aktividatnan spesial pa hende hóben, manera un wega di ‘Escape’.

LIVE: OPERASHON NACHTWACHT

Rijksmuseum ta usando e teknologia di mas nobo pa investigá i trata e pintura di Nachtwacht. Pasobra e obra maestro di Rembrandt ta e pintura di mas prominente den e Galeria di Honor, nos a skohe pa hasi e restorashon akinan mes. No tras di porta será, sino den e galeria di Nachtwacht pa tur hende mira. Bishitantenan por mira e investigadónan traha live. Den e museo òf online. Nos ta yama esaki Operashon Nachtwacht.

ATRAKSHON KUMBRE

  • E Galeria di Honor ku e obranan maestro di Vermeer i Rembrandt, Frans Hals, Jan Steen.
  • Melkmeisje i Nachtwacht
  • E kolekshon di kas di pòpchi, modelo di barku i di arma
  • E biblioteka di Cuypers, e kolekshon di mas bieu i mas grandi di buki di historia di arte na Hulanda.

TEP

  • Download e app di Rijksmuseum pa giranan spesial i rutanan sabí.

  • Buk bo téket online, haña rebaho i bo mes skohe e ora ku bo ke tei.

  • Bo no tin hopi tempu? Ta fásil pa mira e piesanan kumbre di e museo den un ora.

  • Buk un rekorido ku guia pa bo mes òf bo grupo.

  • Gosa di un high tea promé òf despues di bo bishita den The Café.

Tickets

Diariamente di 9 or di mainta te 5 or di atardi
Grátis pa mucha di 18 aña bai abou

ORANAN DI APERTURA

Diariamente di 9 or di mainta te 5 or di atardi.

ADRÈS

Museumstraat 1
1071 XX Amsterdam

AKSESIBILIDAT

  • Entrada pa ròlstul
  • Ta pèrmití kachó guiadó pa hende siegu
  • Tin left na kada piso

PREGUNTA FREQUENTE

  • Vestuario grátis
  • Ta pèrmití pa saka potrèt
  • Tin wifi grátis

Tur informashon práktiko

De Nachtwacht De Nachtwacht

1:43 min. - Why is the Night Watch actually so famous?